Dass a reachter Schwob a Schwäbischs Liad ka, isch ja a Selbschtverschdändlichkeit. Anders isch's, wenn's ans Danza goht. Do bleibat viele hocka. Gibt's überhaupt schwäbische Dänz? Ha nadierlich, schwäbische Dänz gibt's grad gnuag ond dees isch net bloß ebbes für Trachtler, sondern für älle Schwoba, vor ällem wenn's en Albvereinler isch. Denn zura reachta Gselligkeit ond zoma reachta Fescht gehrt au a Danzerei.