| 1 | Hoschten gseah? Grad ischt 'r naus
ond schau' nei' en's Nochbers Haus!
Jetzt no' woidle gsuacht em Gras,
was mer glegt dear Oschterhas! |
| 2 | Oh! S' leit ja schau' a Oi
ond felt drüba nomol zwoi,
älle gfärbt so wondernett.
Noi', so ka's a Henn' halt et! |
| 3 | Holla! Ond was sieh i jetzt!
Hotr do ens Gras neigsetzt
gar en Kerle so wia ear;
bloß von Schokolad isch dear! |
| | 4 | Guck! Ond do a Eisebah'
ond a Schäfle neabana,
ganz von Zucker, heidenei'!
Mag dees fei' zom Schlotza sei'! |
| 5 | Aber was e jetzt airscht sieh:
guck, dees Gärtle, mo em i
nett us Moos hau'z 'semmagschteckt,
hotr voll mit Oier g'legt! |
| 6 | Oschterhas, i dank d'r schöa,
daß so liab ond brav bischt gwea;
aber's nächscht Johr brengscht mer no'
wieder so a Portio'! |
|