| 1 | Wenn mi mei Vaddr it heira loht, heira loht,
|:no woaß i mir an Troscht,:|
|:no gang i in da Keller na
ond soich em in da Moscht juche,:|
au weh. |
| 2 | Wenn oaner a steinig's Äckerle hot, Äckerle hot,
|:ond au an stumpfa Pflug,:|
|:drzua a grätig's Weib dahoam,
no hot er z'kratzad gnuag juche,:|
au weh. |
| 3 | Dr Dohne soacht zom Lade naus, Lade naus,
|:durch eine hohle Ritze,:|
|:da plötzlich fiel die Sense um
und weg war seine Spitze,:|
au weh. |
| 4 | Des Mädle denkt es dear er nonz, dear er nonz,
|:jetzt hot's rer ebbes dao,:|
|:jetzt rennt se rom mit am dicka Bauch
wia andre Mädle au juche,:|
au weh. |
| 5 | S'hot oaner gmoant es dear em nonz, dear em nonz,
|:jetzt hot's em ebbes dao,:|
|:jetzt zahlt er halt dreihondert Mark
wia andre Buaba au juche,:|
au weh. |
| 6 | Mei Hearaschtall ischt oba leer, oba leer,
|:ond onna ischt nonz drin,:|
|:na scheißt mer au koa Kua in Stall,
verreckt mer au koa Henn juche,:|
au weh. |
| 7 | Nochbers Magd hot Kiachle bacha, Kiachle bacha,
|:wohl unter hohlen Eichen,:|
|:jetzt ischt'r'a oas auf's G'schirr nuffbacha,
jetzt ka se nemme soicha,:|
au weh. |
| 8 | Nochbers Magt hot Kiachle bacht
mit Tintefisch ond Muschla,
|:jetzt ischt rer oas uf'd Gosch nufbacha
jetzt koa se nur no Nuschle:| |
| 9 | Nochbers Magd ond Nochbers Magd
haunt mitanander dau,
|:hot Nochber's Magd der Nochber's Magd
en Fuuz in's Gsiecht neidau,juche,:|
au weh. |
| 10 | Wenn mi mei Muadr it heira loht, heira loht,
|:na woaß i mir an Rat,:|
|:na gang i in da Garte naus
ond scheiß ra in' Salat juche.:|
au weh. |
| 11 | Dr Dohne soacht zom Lade naus, Lade naus,
|:ond sait: heit Nacht wud's hell,:|
|:da kommt sei Weib vo hinna her
ond packt en a der Schell juche,:|
au weh. |
| 12 | Da Pfarrvikar isch au debei, au debei,
der reit sei Räpple fei,
|:ond uf ra allda Spittlgoas
sei Hausre hennadrei, ojeh.:| |
| 13 | 's Mareile hat Kiachle bacha,
wohl untra große Oicha.
|:Jetzt ischdra oas a's Knei nabacha,
jetzt ko se nimma... laufa, ojeh:| |
| 14 | Wenn mi mei Vaddr ärgere duat
und duat mr rab da Roscht,
|:no gang i da Keller nab
und soach ihm in da Moscht, juhe.:| |
| 15 | Wenn mi mei Nachbar ärgere duet,
no woas i en guede Rat,
|:no steig i in sein Garte nei
und scheiß ihm in Salat, juhe.:| |
| 16 | Dr Sunnefranz vom Lippachtal
hot a Heanraug em Gsiicht.
|:Dass mir fidele Briedr send,
des ischt a alde Gschicht, juhe.:| |
| | 17 | D'Stueget i da Königstroß,
do wohnt dr Gerber Klett.
|:Der gerbt sei Weib scho 30 Johr
ond bringt ra d'Hoor it weg, ojeh.:| |
| 18 | Mei Schweschter hot a Kendle griagt,
jetzt woiß ma net vo weam.
|:Dr Nochber hot en Schäferhund,
no schieabt mrs halt uf dean, juhe.:| |
| 19 | Wenn eiser Magd an Iggel wär
und's Nochbers Knecht an Bär,
|: no käm dr Bär zu eis in Hof
und näm da Iggel her, ojeh.:| |
| 20 | Eise Katz hät Junge griegt,
gar siebne, achte, nei
|:und 's letschte hot koi Schwänzle ghet,
no schoppt ma 's wiedr nei, ojeh.:| |
| 21 | Eise Katz hät Junge griegt,
sechs, siebne an dr Zahl
|:und's letschte isch a Hundle gwä,
mei, des war an Schkandal, juhe.:| |
| 22 | E reudig Weib ist fürchterlich,
viel liebr eine mit Läus!
|:Mit derer kunnscht in Himmel nuff,
die buffet, schlägt und beißt, juhe.:| |
| 23 | Wenn einer e steinig Wiesle goht,
noch braucht er gwiß viel Schuh.
|:Wenn einer lang ge freie goht,
no kriegt er gwiß a Kuh, juhe.:| |
| 24 | Wenn oinr a stoinigs Wiesle hot,
no macht'r net viel Hai.
|:Wenn oiner keine Kleider hot,
no wird'r Bolezei, juhe:| |
| 25 | Dr Schultes ischd an alde Bock,
arschgeil und riegeldumm,
|:der langt de Weibr untern Rock
und hebt se a dr Pflumm, ojeh.:| |
| 26 | Wenn mi mei Vaddr ärgre duet,
no wur i rabiat.
|:No gang i i da Garda naus
und scheiß'm in Salad, ojeh.:| |
| 27 | I hab scho bessre Zeite gsehe,
hab d'Mädle all verkusst,
|:hab anere Fasnet d'Rotznas als
mit Pfannakuche putzt, juhe.:| |
| 28 | Und wenn mer a Katz ans Fuhrwerk spannt
und no a Maus voraus,
|:no goht des Ding so hoppele hopp,
die Katz, die fängt die Maus, juhe.:| |
| 29 | Und wenn mei Vater a Distelfink wär
und mei Muetter a Zeisle,
|:no möcht i blos des Fuhrwerk sehe
in dem Vogelhäusle, juhe.:| |
| 30 | Und wenn die Magd gi melke goht
und stoht ere Kuh it reat,
|:no stoht sie unter d'Stalltür na
und gauplet mit em Kneat, juhe.:| |
| 31 | Und wenn se do so gauple duet,
no scheißt er d'Kueh i d' Milch.
|:Dir soll de Blitz is Fidle schla,
jetzt haune e dicke Milch, juhe.:| |
| 32 | Und wenn die Magd gi brunse muss,
no goht sie hinter d'Hecke,
|:no kommt e Schof so unverhofft
und duet sie am Fidle lecke, juhe.:| |
|