| 1 | Was braucht ma uf em Bauradorf,
was braucht ma uf em Dorf?
An Pfarrer, der schö'singt,
a Glocka, die gut klingt,
an Messner, der gut läuta ka',
an Lehrer au en brava Ma.
Des braucht ma uf em Bauradorf,
des braucht ma uf em Dorf. |
| 2 | Was braucht ma uf em Bauradorf,
was braucht ma uf em Dorf?
A Kirch, die d'Leut all fasst,
gut baut, dass nix verlasst,
d'rinn schöne Heil'ge g'schnitzt und g'malt,
auf dass uns in der Kircha g'fallt.
Des braucht ma uf em Bauradorf,
des braucht ma uf em Dorf. |
| 3 | Was braucht ma uf em Bauradorf,
was braucht ma uf em Dorf?
A Schulhaus groß genug,
a Mutter fromm und klug,
die ihre Kinder d'Bosheit wehrt,
sie beta, schaffa, singa lehrt.
Des braucht ma uf em Bauradorf,
des braucht ma uf em Dorf. |
| 4 | Was braucht ma uf em Bauradorf,
was braucht ma uf em Dorf?
A Uhr, die d'Mädla zieht,
a Hund, der wacker billt,
an Schultes, der nit grob bestraft,
wenn einer mit dem andern rast.
Des braucht ma uf em Bauradorf,
des braucht ma uf em Dorf. |
| | 5 | Was braucht ma uf em Bauradorf,
was braucht ma uf em Dorf?
A Wirt, der mit uns tischt,
ins Bier kein Wasser mischt,
a Wirte, die net trotzig ist,
an tapfere Gockel auf jedem Mischt.
Des braucht ma uf em Bauradorf,
des braucht ma uf em Dorf. |
| 6 | Was braucht ma uf em Bauradorf,
was braucht ma uf em Dorf?
An Bader, der recht spricht u
nd Hand und Füss einricht,
an Zimmerma, der's Holz net scheit,
an Kramer der net d'Ehr abschneit.
Des braucht ma uf em Bauradorf,
des braucht ma uf em Dorf. |
| 7 | Was braucht ma uf em Bauradorf,
was braucht ma uf em Dorf?
A Schmid, der d'Ross gut b'schlagt,
an Bütt'l, der net falsch klagt,
a großa Bach, der d'Mühle treibt,
an Groscha zu der Osterbeicht.
Des braucht ma uf em Bauradorf,
des braucht ma uf em Dorf. |
| 8 | Was braucht ma uf em Bauradorf,
was braucht ma uf em Dorf?
A Hüter, der brav schnellt,
a Bäure, die gut schmelzt,
a Knecht, der nie auf Gassa geht,
a Magd, die nie am Brunna steht.
Des braucht ma uf em Bauradorf,
des braucht ma uf em Dorf. |
|