| 1 | Im Sommer braucht ma' Sonnaschei',
zum Wenter ghairt dr Frost.
A Pfälzer trenkt am liabsta Wei',
und d'Schwoba brauchet Most. |
| 2 | Dr Most als Hausgetränk ischt guet,
dear gschmeckt im Sommer wia im Wenter;
dr spendet Freud und Arbeitsmuet
da Manna, Weiber und da Kender. |
| 3 | Zum Vesper Most, dear geit au Kraft,
do ka'ma' nomol sovel schaffa.
Doch Vorsicht! Z'viel vom guata Saft
geit manchmol glei an reachta Affa. |
| | 4 | 's geit au amol an Übergscheida,
dear sait: "Vom Most, do wud ma' domm!"
Dean leand nu ruheg Wasser trenka,
bei deam stemmt's nemme oba rom. |
| 5 | Denn Most trenkt wohl dr Schwob am maista,
und trotzdem isch a klarer Fall:
It nu bei eis im Schwobaländle,
noa, Domme des geit's überall! |
|