| 1 | Schö rund ischt mein Huat
und frisch auf ischt mein Bluat,
und Kurasche wie a Teufel,
drum tuor i kei guat. |
| 2 | Spielmann, mach auf!
Und i zahl di bar aus,
und i gib dir de Beutel
aber 's Geld tuor i raus. |
| 3 | A lustiger Buo bin i,
ka sakrisch tanza,
kein Kreizer Geld haon i,
kein Schuah, kein ganza. |
| 4 | I ond mei Hans,
mir ganget zom Tanz.
Wenn neamerd meh tanzt,
tanz i ond mein Hans. |
| 5 | Wenn i no wüßt,
mo mei Schatzle wär,
na wär mir mei Herz
net hale so schwer. |
| 6 | Ond i ond mei Gretle,
mei Gretle ond i,
ond i mog mei Gretle,
mei gretle mog mi. |
| 7 | De Leit zom Schade,
de Leit zom Trutz,
ond die, mo so scheltet,
sin selber nix nutz. |
| 8 | Det dronte im Täle
lauft's Wasser so triab,
i ka dir's wohl sage:
i han di so liab. |
| 9 | Schwarzbraune Äugle,
a Griable em Gsicht,
i muaß di halt möge,
weil de gar so nett bischt. |
| 10 | Wenn de me magscht, kannscht me liebe
wenn de me witt, kannscht me kriage,
wenn de me aufrichtig liabscht,
koscht me hao, wenn de me kriagscht. |
| 11 | Wenn d'Nachtigall singt
ond der Waldvogel pfeift,
na kann i wohl denke,
mei Schatz wär et weit. |
| 12 | Der Guggug em Wald
schreit älleweil: "Dirndel halt!"
Des Ding hot mi gfreut,
dass d'r Guggug so schreit. |
| 13 | Em Wald fluigt d'r Guggug,
em See schwimmt d'r Fisch,
's frait mi des Haus,
mo mei Schatz drenne isch. |
| 14 | Mei Herzle ischt gschlosse,
e Schlössle hängt dra,
ond da isch halt neamerd,
der 's aufmacha ka. |
| 15 | Mei Herzle isch gschlosse,
mei Herzle isch zu,
de Schlüssel zu sellem
hat en oiziger Buo. |
| 16 | Am Bändele, am Schnürle,
am Kettele, am Seil,
in Ewigkeit isch mer
mei Schätzle net feil. |
| 17 | Mein Schatz halt i fest
wia dr Bohm sein Äscht,
wia dr Äpfel seine Kern,
i han en so gern. |
| 18 | Mein Schatz isch a Bauer
une a luschdiger Bua,
er schnellt mit dr Geißel
ond jegget drzua. |
| 19 | Mein Schatz ischt a Metzger,
er ruodelt im Bluat,
Kurasche wia a Teufel,
ond Geld hat er gnuag. |
| 20 | Mein Schatz ischt a Weber,
a Weber muaß sei,
er webt mir a Schürzle
ond a Blümle drei nei. |
| 21 | Mein Schatz ischt a Gärtner,
a Gärtner solls sei,
Er bindt mir a Sträußle
ond Vergissmeinnicht drei nei. |
| 22 | Mein Schatz ischt a Schreiber,
a Schreiber muaß sei,
er schreibt mr ällaweil,
sei Herzle ghör mei. |
| 23 | Was ghört eme Schreiber?
Eme Schreiber ghört nix
als a pfahlslange Feder
ond sonscht au gar nix. |
| | 24 | Main Schatz ischt a Nähere,
näht sechs Tag auf Stör,
ond am Samstig, wenn se heimgoht,
no trag i ihr d'Scher. |
| 25 | Älleweil jong möcht i bleie,
ällaweil Dukate sotts schneie,
grad daheim uf de Platz,
wo i sitz mit meim Schatz. |
| 26 | Mei Schatz hot mir en Kuss gebe
danach hat's en kränkt:
Jetzt gib i n dir halt wieder,
i will ja nix gschenkt. |
| 27 | Wenn 's Wägele so rumpelt,
sell Gäule so schreit,
na därf i wohl denke,
mei Schatz sei et weit. |
| 28 | Er schnellt mit seim Geißele,
er winkt mit seim Huat:
Bhüet di Gott, mei liabs Schätzle,
bei ons tuas kei guat. |
| 29 | Guat Nacht, mei liabs Schätzle,
komm, gib mr deine Händ,
i muß vo dir scheide,
dia Liab hot en End. |
| 30 | Willst du mi verlasse,
so scher di nur fort
ond trag dei falschs Herzle
an en andere Ort. |
| 31 | Zu dir bin i gange,
zu dir hats mei gfreut,
zu dir gang i nimme,
der Weg isch mr z'weit. |
| 32 | Er wär mer net z'weit
ond er wär mer scho recht,
ond du kannsch dirs wohl denke,
du bischt mir viel z'schlecht. |
| 33 | So gwiess als seit Adam
dia Nessle hent brennt,
so gwiess sind dia Mädle
falsch, bald mer s'recht kennt. |
| 34 | So wenig als en Birabohm
e Äpfele kriagt,
so wenig hot mei Schätzele
mi aufrichtig gliabt. |
| 35 | Es hot mi mein Lebtag
nix so keit,
als dass mei Schätzle
am Samstig aufgeit. |
| 36 | Für en Schatz traure,
des wär mir a Schand,
i dreh mi no um,
gib ama andre d'Hand. |
| 37 | Ama schönre d'Hand,
ama reichre s'Herz,
du hochmiatigs Bürschle,
nach dir frag i nix. |
| 38 | Nach dir frag i nix
wege deim bissle Geld:
so Bürschle wie du
geits gnuag uf dr Welt. |
| 39 | Was frag i noch me Grosche,
e Grosch ischt koe Geld:
Ond was frag i nach me Mädle,
's geit gnuag uf dr Welt. |
| 40 | Dr Hans ond sei Gretel
sind kreuzbrave Leut,
dr Hans hot sei Gretel
über d'Stiege nakeit. |
| 41 | Buaba lustig, Buaba lustig,
heut ischt der letscht Tag,
ond a mancher wär luschtig,
jetzt leit er em Grab. |
| 42 | Ond er leit in dem Grab,
ond hat d'Äugele zua:
ond i stand uf dr Gass
ond bin a luschtiger Bua. |
| 43 | Wenn's schneit, no schneits weiß
ond wenn gfruit, no geits Eis,
ond wenn dr Müllerbua tanzt,
wirds Mädel schneeweiß. |
| 44 | 's ist halt nix so traurig,
's ist nix so betrüabt,
als wenn sich a Mädel
en an Krautkopf verliabt. |
| 45 | Haun a Häusle aufbaut,
ond mit Leabzelte deckt,
jetzt kommet dia Narre
ond fresset 's mr weg. |
| 46 | Aus isch ond gar isch
ond schad isch, dass's wahr isch,
ond schad isch für mi,
dass e leichtsinnig be. |
|