| 1 | Äpfelschnitz, Biraschnitz,
Haselnusslaub,
mo mei Schatz gloffe ischt,
Freut mi dr Staub. |
| 2 | Hörsch net, wia s'Vögele pfeift,
hörsch net, wia 's pfeift, wia 's pfeift
in dem Wald, aus dem WAld:
"Schätzle, mo bleibscht?" |
| 3 | I bin a Baurabua,
wenn i dradenke tuo,
nimm i mei Geißele,
knall mit dr Schnur. |
| 4 | Freut mi nix auf dr Welt,
als mei kleis bissle Geld
ond mei jungfrischs Bluat,
des mi aufmuntere tuat. |
| 5 | Wann's Mädle sauber isch
ond isch no jung, no jung,
muaß dr Bua luschtig sei,
sonscht kommt er drum. |
| 6 | Mach mr an Walzer auf,
der a weng luschtig goht,
i han e Tänzere,
's ischt dr Müh wert. |
| 7 | Wenn i amol tanze tuo,
tanz i ganz luck, luck, luck,
dass i meim Schätzele
's Herz net verdruck. |
| 8 | Älleweil denk i dra,
wia mei Schatz tanze ka,
rum ond nom, hin ond her,
wien i 's begehr. |
| | 9 | So wia dr Äpfel isch,
so isch dr Stiel - ond
so wia mei Schätzle isch,
so geits net viel. |
| 10 | So en Schatz mag i net,
der net au luschtig isch,
der net au singt ond pfeift
bei de Spielleut. |
| 11 | Ois ond zwoi fürcht i net,
drei ond vier au no net,
fünf ond sechs müssets sei,
no schlag i drai. |
| 12 | Koe Schöne kriag i net,
koe Wüeste mag i net,
ond ledig bleib i net,
was fang i a? |
| 13 | Wenn mei Schatz Hochzeit macht,
han i a traurige Nacht,
sperr mi in mei Kämmerle
ond wein um mein Schatz. |
| 14 | Dass i so schwarz be,
d'Schuld isch net mei - ond
dass i so schwarz be,
d' Schuld ischt net mei. |
| 15 | D'Schuld isch der Kindsmagd,
dia mi net gwäsche hot,
mo n i so kei, so klei
monzig be gsei. |
|