| 1 | Onterm Nussbohm isch guat liege,
onterm Nussbaum isch guat sei,
schene Mädle muass mr liebe,
s müsset net grad reiche sei. |
| 2 | So lieb, wia mir mei Lebe isch,
so lieb isch mir mei Schatz,
ond mo mei Schatz mal gwesen isch,
da lieb i no den Platz. |
| 3 | Ausi isch net abi,
isch aber wäger wahr:
wenn i mein Schatz n Tag net sieh,
na mein i, s sei a Jahr. |
| 4 | Dr Hansel auf m Birebohm,
d Gretel uf m Herd,
dr Hansel hat en Pfiffis tao,
d Gretel hat en ghört. |
| 5 | Hentrem Ofa pfeift d Mäus,
d Mädle machet älle Sträuß,
d Buabe rücket älles dra,
dass dr Spielma geige ka. |
| 6 | Wenns mei Muater wisse tät,
dass i so lustig wär,
de letzte Kreuzer, den sie hätt,
den gäb se für mi her. |
| 7 | Bei der Nacht, wenn s fester ist,
do isch der Weg bös finde,
do find de raote Buabe guat,
se teant de Mädle zünde. |
| 8 | Sechs Paar Schuah ond sechs Paar Toffle
haun i zua meim Schatz versoffe,
sechs Paar hin ond sechs Paar her,
so kein schöne krieg i mehr. |
| 9 | Herzigs Schätzle, du muasch wisse,
wer di hat en Backe bisse:
herzigs Schätzle, der hats tao,
den d hast nei beiße lao. |
| 10 | Herzigs Schätzle, lass dr sage,
wege deiner werd i gschlage;
wenn i will de Friede hao,
därf i nimme zua dr gao. |
| 11 | Herzigs Schätzle, wart auf mi,
wenn i komm, heirat i di,
wenn i aber nimme komm,
no siehsch de nach re andre om. |
| 12 | I han en Schatz vo Ewigkeit,
vo elfe bis mr zwölfe läut,
ond so en Schatz, ond so en Schatz
ond so en Schatz han i. |
| 13 | Bei mir drhoam isch älls verkehrt,
dr Hackstock, der hot s Gremme,
der Heustock, der fangt s Tanze a,
in dem Haus bleib i nemme. |
| 14 | Bua, wia wird mer s morge gao,
morge muaß i z Gvatter stao,
i woeß net, tuot mer d Hose a
oder staot mr im Hemmed na. |
| 15 | Morge soll i auf d Hochzeit gange
ond i han koe Schuah,
na nimm i meim Vatter d Pudelkapp
ond näh se onte zua. |
| 16 | Du lieber Gott, du lieber Gott,,
wia spannet mi mein Ranza,
I han e Simri Knöpfle gesse
ond en Imi Kraut. |
| 17 | Älleweil Epfel, Epfel, Epfel,
Älleweil Epfel, Bire ra,
a anders Schätzle muass i habe,
s mei goht nach Amerika. |
|