| 1 | Auf ihr Bürger schtand' ins Gwehr,
d'Franzose rucket a'!
Sie kommet scho wia s Muothes Heer
über eiser Städtle ra. |
| 2 | Ihr Bürger fasset Mut und List,
sonst goht's euch hindretfür!
Verklebet 's Tor mit Dreck und Mischt
und deand de Riegel für! |
| 3 | Hans Jakobe Michele
und 's Becke Paule Franz,
die sind scho g'richt und standet scho
dort drobe auf dr Schanz. |
| 4 | I hau a Büchs, dös isch a Büchs,
schier siebe Lad geand nei.
Es fehlt mer blos dr Feuerhan,
nau klöpft se wie die dei. |
| 5 | Was Weiber sind, die sitzet iatz,
auf der Rothausmischte na!
Statt ihrem G'schrei und Lumpagschwätz
bet jede für de Ma! |
| 6 | Heirle schlät se au drzua,
er reit sei Räpple fei
und auf re alte Spittel Kuah
si Huasers hinte drei. |
| 7 | Hecksbeerles Annemarei
und 's Holderbeerles Gret,
die kochet scho da schwarze Brei
für d'Generalität. |
| 8 | Und fällt Bombekugel gau
uff eiser Schtädtle ra,
nau schreiet nu reacht Fuiriau
und spritzet drüber na! |
| 9 | Was sind denn dö für Manne dau,
dia Blechleskappe hend?
Hei jau dö isch ja d'Fuierwehr,
die rucket aus wenn's brennt. |
| 10 | Iatz dunt nu dapfer d'Fuierschpritze raus
und siedig Wasser drei,
nau schreiet nu reacht Fuirio,
nau sind d'Franzose hei! |
| 11 | Der Burgamoischter muss vora,
potz Stearamordio!
Er hot en geala Kittel a
und Fransa am Schappo.
|
| 12 | Unter hinter deam wohlweise Rot,
der Dianer von der Stadt,
weil ear da g'weihta Säbel hot
vom graußa Goliath. |
| 13 | Der Schopfbeck un der Dauerlau
und 's Doigelbecka Franz
stauhd mit em alta Fuiriau,
scho dussa uf der Schanz.
|
| 14 | Se wehret se mit Händ und Füass
und au der Stricker Leaz,
der hot von hundert Schuah en Spiaß
und 's Nudlebritt am Heaz. |
| 15 | Der Hendschadätte und der Brack
und d'Lumpanais und d'Schneck,
dia füllet scho da Huzlasack
an Poataläri's Eck. :|
|
| | 16 | Der Schloiz, der Bögler und der Rast,
sind kuglafest äll drei
und 's Hecklaberi's Arbogast
ist Kaparal darbei. |
| 17 | Dös ist a Ma, so geit's it viel,
der ist bigott so keack,
er reisst em Tuifel, wemma's will,
da Zopf und d'Hoara weck.
|
| 18 | Die Granadirer kommet äll
vom Korpus Christi Fest,
sie traget Kittel raut und geal
und Büchsa und Pallest. |
| 19 | Ma pfeift, ma trommelt scho darzu,
dot schwenkt der Wusel-Beck,
da Fahna und as Bandtlis Bua
macht Kugla us em Dreck.
|
| 20 | Der Natter us em Darraloch
hot gar zwoi Deaga a,
und 's Hänsle vor em Ofaloch,
der geiget em vora'. |
| 21 | Jetzt allo, hutig, d'Spritza raus,
a siadigs Wasser nei,
no spritzet nu reacht Huzla naus,
no traut si koiner rei.
|
| 22 | Ihr liabe Burger 's hot koi Naut,
bald hoisst's Viktoria,
miar wend die Koga, sind si taudt,
noch aist no täuter schla'. |
| 23 | A jeder Burger neahm sei Büchs
und lad drui Äscha nei,
a händvoll Klotza druf, sost nix,
no sind d'Franzoses hei!
|
| 24 | Und hot a jeder statt der Muck
an Lukaszeadel dra,
am Schnapper 's Amulet, no druck,
a jeder, was er ka! |
| 25 | Jetz wartet nu, i komm gau glei,
trink nu mei Stümple aus!
Der Bua von Niasi's Annamrei
trait scho mei Büchs voraus.
|
| 26 | Dös ist a Büchs, wia's koiner moit,
dui klöpft as wie a Bomm.
Voar deaner Büchs do fällt der Foid,
mitsamt em Schütza om! |
| 27 | Du lieber Gott, jetz gib mer Gnad,
jetz goht der Rumpel a!
O Uschel, gib mer d'Äschalad,
und richt mer d'Klotza na! |
| 28 | Guck, Uschel, guck, do stoht er grad,
biff, baff, dei Zeit ist aus!
Der Donner schla in d'Äschalad,
dear Kearle lacht mi aus! :| |
| 29 | Komm Uschel, komm, mer weand jetz hoi,
mei Schiasserei hoisst nix!
Du hollst zwoi nuie Flintastoi,
und i mei Doppelbüchs!
|
| 30 | Des is a Büchs, so geit's koi Büchs,
schiar d'Äschalad goht nei!
As fehlt rer nu' der Hah, sonst nix,
no send d'Franzosa mei! |
|