| 1 | Älle Äcker sind g'äckret,
älle Wiesa sind g'mäht,
älle Mädla hent Schätzla,
bloß i hau en Dreck! |
| 2 | Dur de Wald isch guat laufa,
dur de Wald isch guat gau,
ond i muaß ja koi Schätzle
von de Suppinger hau. |
| 3 | Hätt i net en schöna Haber,
wenn's Okraut net wär,
hätt i net a schöns Schätzle,
wenn oina net wär? |
| 4 | Aber oine isch do
ond dui eifret mit mir,
dui lass i brav eifra,
dees graußaugig Tier. |
| | 5 | aus "Liedblätter":
Nächtig om zwölfa
hot mir mei Schatz küßt,
heut morga om viera
hots älles scho gwißt. |
| 6 | Mädle, hüt de, Mädle, halt de,
Mädle lass dr nix toa,
die Buaba sand Schelma,
se laufte drvo. |
| 7 | Mädle, hüt de, Mädle, halt de,
gang et so noh na!
Mo d'Fuierla brennet,
do goht ma gern a. |
| 8 | Mädle, hüt de, Mädle, halt de,
mach's Lädele zua,
sonst bischt z'mol selbander,
ond a dritts kommt drzua. |
|