| 1 | Wohl mitte in der Nacht
die Hirteschar wacht,
in Lüfte duet schwinge,
das Gloria singe
en englischer Bott:
"Gebore isch Gott!" |
| 2 | Die Hirte im Feld
verland ihre Zelt,
se kennet it schnaufe
vor Renne und Laufe.
Der Hirt und sei Bue,
dem Krippele zue. |
| 3 | Ja Vatter, lueg a,
was findet mir da?
Im Krippele des Kindle
in schneeweiße Windle,
bei Tierlene zwoi
da liegt's uf em Heu. |
| 4 | O, dass Gott walt,
wie isch es so kalt!
Mecht oiner verfriere, d
es Läebe verliere,
so kalt goht der Wind
mi duret des Kind! |
| | 5 | O, dass Gott erbarm,
die Muetter isch arm!
Se hat ja koi Pfännle
zum Koche dem Kendle,
koi Mehl und koi Salz,
koi Brot und koi Schmalz. |
| 6 | Wie durat mi des Kind
im Räege und Wind!
Der Schtall isch ganz offe,
die Dier isch zerbroche,
si Bettle isch d'Schtrai,
si Decke isch s'Hai. |
| 7 | O heiliger Gott,
wie bisch in d'r Not!
Schteigsch abe vom Himmel
in's Erdegewinnel,
kummsch her in en Schtall,
um z'helfe is all. |
| 8 | Ihr Hirte, kommet raus,
mir mechtet nach Haus!
Kommt alle, mir wolle
dem Kindle was holle!
Kommt alle da her
und koiner it leer! |
|