| 1 | Droba uf dr rauha Alb,
juppheidi, juppheida,
wia machet's do dia Bäcker all?
Juppheidiheida.
Do a Eckle, det a Eckle,
langt scho wied'r a Sechserweckle.
|:Juppheidi ond juppheida,
juppheidiheitrallala,
juppheidi ond juppheida,
juppheidiheida.:| |
| 2 | Droba uf dr rauha Alb,
juppheidi, juppheida,
wia machet's do dia Baura all.
Juppheidiheida.
Se springet s'Äckerle nuf ond na
ond fluachet d'Stern vom Hemmel ra.
|:Juppheidi ond juppheida...:| |
| 3 | Droba uf dr rauha Alb,
juppheidi, juppheida,
wia machet's do dia Flaschner all?
Juppheidiheida.
Do a Blechle, det a Blechle,
z'letschda geit's a Scheißhausdächle.
|:Juppheidi ond juppheida...:| |
| 4 | Droba uf dr rauha Alb,
juppheidi, juppheida,
wia machet's do dia Glaser all?
Juppheidiheida.
Se schmeißet nachts dia Scheiba ei
ond saget s'muaß a Neie nei.
|:Juppheidi ond juppheida...:| |
| 5 | Droba uf dr rauha Alb,
juppheidi, juppheida,
wia machet's do dia Gipser all?
Juppheidiheida.
Do an Spritzer, det an Spritzer,
z'letschda geit's an jonga Gipser.
|:Juppheidi one juppheida...:| |
| 6 | Droba uf dr rauha Alb,
juppheidi, juppheida,
wia machet's do dia Maurer all?
Juppheidiheida.
Se steiget d'Loader nuf ond na,
ond gucket ob's it Zwölfe schla'.
|:Juppheidi ond juppheida...:| |
| 7 | Droba uf dr rauha Alb,
juppheidi, juppheida,
wia machet's do dia Maurer all?
Juppheidiheida.
Se juckat uf da Bretter rom
ond gucket ob koa Käsbrot komm'.
|:Juppheidi ond juppheida...:| |
| 8 | Droba uf dr rauha Alb,
juppheidi, juppheida,
wia machet's do dia Maurer all?
Juppheidiheida.
Se sitzet uf ihr Mauer nauf
ond drenket d'Moschtkriag sauber aus.
|:Juppheidi ond juppheida...:| |
| 9 | Droba uf dr rauha Alb,
juppheidi, juppheida,
wia machet's do dia Maurer all?
Juppheidiheida.
Se neamet d'Kelle hentrafier
ond werfet Dreck an d'Stubadier.
|:Juppheidi ond juppheida...:| |
| 10 | Droba uf dr rauha Alb,
juppheidi, juppheida,
wia machet's do dia Schäfer all?
Juppheidiheida.
Se ziehet s'Mensch in'n Karra nei,
ond saget s'sei an Hammel g'sei.
|:Juppheidi ond juppheida...:| |
| 11 | Droba uf dr rauha Alb,
juppheidi, juppheida,
wia machet's do dia Schmiede all?
Juppheidiheida.
Se schlaget 's Eisa rom ond nom
ons z'letschda kommt dr Bauer drom.
|:Juppheidi ond juppheida...:| |
| | 12 | Droba uf dr rauha Alb,
juppheidi, juppheida,
wia machet's do dia Schneider all?
Juppheidiheida.
Do a Fädle, det a Fädle,
z'letschda geit's a Hosalädle.
|:Juppheidi ond juppheida...:| |
| 13 | Droba uf dr rauha Alb,
juppheidi, juppheida,
wia machet's do dia Schneider all?
Juppheidiheida.
Do a Fleckle, det a Fleckle,
z'letschda geit's a Kenderjäckle.
|:Juppheidi ond juppheida...:| |
| 14 | Droba uf dr rauha Alb,
juppheidi, juppheida,
wia machet's do dia Schneider all?
Juppheidiheida.
Do a Blätzle, det a Blätzle,
z'letschda geit's a Hosalätzle.
|:Juppheidi ond juppheida...:| |
| 15 | Droba uf dr rauha Alb,
juppheidi, juppheida,
wia machet's do dia Schreiner all?
Juppheidiheida.
Se hoblet Spä ond machet Bretter,
des goht grad wia a Dondrawetter.
|:Juppheidi ond juppheida...:| |
| 16 | Droba uf dr rauha Alb,
juppheidi, juppheida,
wia machet's do dia Schuschter all?
Juppheidiheida.
Se spucket uf dr Absatz nuf
ond schreibet sechs Mark fufzig druf.
|:Juppheidi ond juppheida...:| |
| 17 | Droba uf dr rauha Alb,
juppheidi, juppheida,
wia machet's do dia Schuschter all?
Juppheidiheida.
Se neamet's Leader onter's Fiedla
ond saget s'sei nonz übrig blieba.
|:Juppheidi ond juppheida...:| |
| 18 | Droba uf dr rauha Alb,
juppheidi, juppheida,
wia machet's do dia Turner all?
Juppheidiheida.
Se jucket uf dr Mädle rom
ond saged s'sei dr Riesaschwung.
|:Juppheidi ond juppheida...:| |
| 19 | Droba uf dr rauha Alb,
juppheidi, juppheida,
wia machet's do dia Wagner all?
Juppheidiheida.
Se säget kromm ond staplet grad,
ond z'letschda geit's a Wagarad.
|:Juppheidi ond juppheida...:| |
| 20 | Droba uf dr rauha Alb,
juppheidi, juppheida,
wia machet's do dia Wirtsleut all?
Juppheidiheida.
Se schüttet oba Wasser nei
ond onna geit's dr beschte Wei.
|:Juppheidi ond juppheida...:| |
| 21 | Droba uf dr rauha Alb,
juppheidi, juppheida,
do war's letschta Wenter kalt.
Juppheidiheida.
Da Baura ischt dr Moscht ei'gfrora
vor Kälte ischt koi Kend gebora.
|:Juppheidi ond juppheida...:| |
|