| 1 | Uf am Wasa graset d'Hasa
ond em Wasser gombet d'Fisch,
|:liaber will i gar koi Schätzle,
als an so an Fledrawisch!:| |
| 2 | Muader, muesch mer, schla me s'Blechle,
Dierleshosa macha lau,
|:dass i au so Dierleshosa,
wia dr Herr Proviser hau!:| |
| 3 | Gang mer aweg mit Samedschiahle,
gang mer aweg mit Bändele,
|:Bauramädle send mer liaber,
als so Kaffeebemberle!:| |
| 4 | Kleine Kiagele muaß mer giaßa,
wenn mer Vögele schiaßa will.
|:Scheene Mädle muaß mer liaba,
wenn mer scheene Weiber will.:|
|
| 5 | Mo-n-i hau no krätzt ond bissa
hot mi wella koine küssa,
|:seit i nemme krätz ond beiß,
da kriag i d'Kissle duzedweiß!:| |
| 6 | Mo-n-i hao mei Schätzle g'nomma
hot mei Muader grausig dau,
|:hot mi bei de Aora g'nomma,
d'Steaga abe pfluadra lau.:| |
| 7 | Drauf sag i zuo meire Muoter,
sui soll mi passiere lao,
|:i wurr schau mein Schatz versorge,
des wurd sie en Dreck agao.:| |
| 8 | Henter meinem Schwiagervadder
seinem graußa Sekretär,
|:stoht an dicker oach'ner Priegel,
wenn der no beim Deifel wär!:| |
| 9 | Henter mei'rer Schwiagermuader
ihrem graußa Hemmelbett
|:stoht an ganzer Sack voll Sechser,
wenn i no dia Sechser hätt'!:| |
| 10 | Siebenazwanzig Weckaknepfle
geant a ganze Schissel voll
|:ond a kräftigs Bauramädle
geit en ganza Arem voll.:| |
| 11 | Ällaweil krank sei, doch it sterba,
des isch g'wiß a arge Pei,
|:Mädla liaba, doch it kriaga,
des muaß no viel ärger sei!:| |
| 12 | Hopsa Bärbele, spring über's Gräbele,
s'Gä'sle will de beißa.
|:Nemm a Steckele, hau's uf's Käppele,
wird's de nemme beißa!:| |
| 13 | Sag du no zu mei'rer Schwiager,
sia soll mi passiara lau:
|:I werd schau mei'n Schatz versorga,
sell werd sia an Dreck a'gau!:| |
| 14 | Gang mer aweg mit Bodybuilder,
gang mer aweg mit Muskelprotz,
|:g'scheide Männer send mer liaber,
als so freche, grobe Klotz!:| |
| 15 | Muater muascht mer schla mer's Blechle
sotte Dierleshosa mache lau,
|:dass e au so Dierleshosa
wia d'r Herr Profiesr hau.:|
|
| | 16 | I will koane Dierleshosa,
i will Hosa mit ama Schlitz.
|:Muader, dia send veil kommoder,
dia send offa wia dr Blitz!:| |
| 17 | Vadder, du brausch gar nix saga,
du leisch zua dr Muader nei!
|:ond i muaß bei Sturm ond Reaga
dussa bei mei'm Schätzle sei!:| |
| 18 | Wenn mei alte Schwieger stirbt,
no erb i zwua, drei Goaßa,
|:zwua, drei Goaßa ond en Bock,
ond an alta Weiberrock!:| |
| 19 | Scheene Kächele, scheene Scherba,
siaße Treibele, siaßer Wei,
|:luschtig leaba, luschtig sterba,
nobel muaß mei Leichgang sei!:| |
| 20 | Über's Stegle goht a Wegle,
drüber goht mei Schätzles Wegle,
|:drüber goht es nemme meh,
drom hau-n-i au koi Schätzle meh.:| |
| 21 | Wia a Wiesele lauft mei Liesele,
wenn i henter'm Gärtle stand,
|:wia a Schneckele lauft se wegele,
wenn mr vonanander gand.:| |
| 22 | G'schnittene Niedele, g'schnittene Niedele,
g'schnittene Niedele, dia send guat,
|:wenn mr's sälzelet, wenn mr's schmälzelet
ond a Gackele drane duad.:| |
| 23 | Honderttaused Fasnetskiachle
geand a graoße Schissel voll,
|:ond a kräftigs Bauramädle
geit a ganze Bettstatt voll!:| |
| 24 | Honderttaused Apfelkiachle
geand a ganze Wanna voll,
|:und a drecket's Bauramädle
glei da ganza Saustall voll.:| |
| 25 | Auf da Maura lauret Baura,
pfeifet wia dia Haselmeis,
|:lasst des Laura, ihr Saubaura,
machet mir ja doch nix aus!:| |
| 26 | Auf da Maura lauret Baura,
G'sichter honds wia Pudelhond,
|:Nasa dra, wia Uhrag'wichter,
Köpfle dra, wia Fässlesspond'!:| |
| 27 | Schätzle hot mr a Briefle g'schrieba,
dass's me nemme leida ka.
|:muaß i schnell a baar Zwiabla reiba,
dass i drieber heila ka!::| |
| 28 | Wenn mol oar beim Krautneihobla
gugged wa's fir Weiber geit,
|:braucht'r sich it wondra,
wenn dr Fenger in dr Schissel leit!:| |
| 29 | Aone Musik geit's koa Haozig,
wär a Fescht bloß halb so nett,
|:Musikanta weant fladiert sei,
s'wär doch schad, wenn mr's it hätt!:| |
| 30 | Mo n'e hau en's Dischduach gschneizet
hot mei Muater grausig dau,
|:Saubua hoscht au gar koen Aschtand
kosch da Rotz it hanga lau.:| |
|