| 1 | Hei luschtig Kurasche,
drei Feadra aufgschdeckt,
ond em Raufa do hot mi
no koaner verschreckt!
Refrain:
|: Vidirulla, vidirulla, vidirulalala :| |
| 2 | Drei Rosa em Garta,
drei Tanna em Wald,
der Jäger hot gschossa,
sei Büchs hot net knallt.
|: Vidirulla, vidirulla, vidirulalala :| |
| 3 | Do dronta em Täle
do graset drei Füchs,
jetzt kommat drei Jäger,
hot koaner koa Büchs.
Vidirulla,... |
| 4 | Was goht denn do dronta
em Täle so zua?
Do danzat dia Mädle
mit hölzerna Schuah.
Vidi... |
| 5 | Verrissa ischs Gwand
ond verrissa send d'Schuah,
aber Schätzele kriag i
deswega no gnua(g).
Vidi... |
| 6 | Henterm Busch ond vor em Busch
do fliagt a Wachtel auf;
hab i koan Schatz, hoscht du koan Schatz,
so lachmer anander aus.
Vidirulla... |
| 7 | Drei Rosa em Garta,
drei Tulibana,
mei allerliebster Schatz
hoast Juliana.
Vidirulla,... |
| 8 | Über's Stiegle ben i gstiega,
rüber ben i gfalla,
rote Backa hot mei Schatz,
Auga wia Koralla.
Vidirulla,... |
| 9 | Mädle, wenn i di betracht
ond dein Humor, Humor,
kommscht du mir allezeit
wunderlich vor.
Vidirulla,... |
| 10 | Uff de Ulma geit's Schwalma,
geit's Spiegelmeisa;
wenn i hier koan Schatz kriag,
muass i weiter reisa.
Vidirulla,... |
| 11 | Ond a X ond a Z
ond dia Dirndln send nett,
ond a Z ond a X,
aber tauga deants nix.
Vidirulla,... |
| 12 | Was hilft an scheener Apfel,
wenn er inna ischt faul,
was hilft a schees Dirndl,
wenns hot a bais Maul.
Vidirulla,... |
| 13 | Manchs Dirndl hot Zähnle
so weiß wia dr Schnai,
sind ällesamt eigsetzt,
drom donts em it waih.
Vidirulla,... |
| 14 | Mei Dirndl ischt sauber
vom Fuoß bis zom Kopf,
no am Hals hot 's a Binkerl,
des nennt ma an Kropf.
Vidirulla,... |
| | 15 | Do droba uff am Bergle
do schtoht a Wirtshaus,
do macht mer mei Vatter
mei Heiratsguat aus.
Vidirulla,... |
| 16 | Drei gscheckete Ochsa
ond a bucklige Kuah
des geit mer mei Vatter
wenn i heirota duo.
Vidirulla,... |
| 17 | Ond gibt er mir's net,
no heirot i net,
no kriagt halt mei Vatter
koa Enkele net.
Vidirulla,... |
| 18 | Jetzt ben i verheirat,
jetzt ben i an Mo,
jetzt schaut mi mei Lebtag
koa schees Dirndl meh o.
Vidirulla,... |
| 19 | Do dronta schtoht oaner,
der will mi schlaga,
derweil ka-n-er koa Krot
aus em Graba jaga.
Vidirulla,... |
| 20 | Do dronta schtoht oaner,
der moant er sei nett,
derweil er quickelt ond quackelt
wia Enta em Dreck.
Vidirulla,... |
| 21 | Gelt du Schwarzaugete,
gelt für di tauget- e,
gelt für di wär i recht,
wenn i de no mecht.
Vidirulla,... |
| 22 | D' Elektrizität
will jetzt d'Dampfkraft vertreiba,
i hau nix drgega,
wenn no d'Dampfnudla bleiba.
Vidirulla,... |
| 23 | Dr Geiz ischt a Laster,
dr Neid ischt it scheen,
wenn 'd an Faula it otreibscht,
so bleibt er glei schtehn.
Vidirulla,... |
| 24 | Die Henne legt Eier,
des ischt an alte Gschicht;
dia Sach ischt ganz oafach-
aber ich kann das nicht!
Vidirulla,... |
| 25 | Mei Schatz ischt a Reiter,
an Reiter muaß sei,
der Gaul ghairt am Kenig,
der Reiter ghert mei.
Vidirulla,... |
| 26 | Mei Schatz ischt koa Zucker,
wie ben i so froh,
sonscht hett en scho gessa,
jetzt hau n-en doch no.
Vidirulla,... |
| 27 | Do droba uff am Bergle
do schtoht an Apothek,
do ko mr was kaufa,
daß d' Dommheit vergeht.
Vidirulla,... |
|