| 1 | Luckeleskäs, des ischt a Esse',
des erhält oin jong ond frisch;
ond drom sott mr nie vergesse':
"Luckeleskäs auf jeden Tisch!"
Au dr allerschwächste Mage' ka'
ganz sicher oins vertrage': Luckeleskäs! |
| 2 | Alte, Jonge, G'sonde, Kranke -
Luckeleskäs duet jedem guet;
Lange, Kurze, Dicke, Schlanke
sehet aus wia Milch ond Bluet;
's braucht koi Schminke ond koin Puder,
älles des ersetzt a guter Luckeleskäs. |
| 3 | Luckeleskäs, den mueß mr schmiere'
daume'dick auf 's schwarze Brot.
No net ziere' ond scheniere':
"Käs ond Brot macht Wange' rot!"
Esset, bis a jeder satt isch
ond vom Esse' müed ond matt isch, Luckeleskäs! |
| | 4 | Luckeleskäs, des geit an Kuache' d
en mag jeder, Heid' ond Christ;
muescht amol a Stück versuache',
daß'd au merkscht, wia guet der ischt.
Schbaret net mit Rahm ond Eier,
ond drzue kommt für an Dreier Luckeleskäs. |
| 5 | Luckeleskäs mit Schalkartoffel
ischt au für da Faschttag recht,
schmeckt dr Liesel ond am Stoffel,
schmeckt de Herre' wia de Knecht,
schmeckt de Eltra ond de Kender
ond der Ahne' au net mender - Luckeleskäs! |
| 6 | 's geit sogar so Heilsprophete',
Wundermänner ond Narur- dokter,
die behandlet jede Krankheit
mit dr gleiche' Kur:
Se verschreibet ohne B'senne'
Käs von auße', Käs von enne' - Luckeleskäs! |
|