| 1 | Mei Schatz hot m'r geschriebe
aischt gescht vor acht Tag,
|:ond worom i gar nemme
zu ehm komm bei Nacht.:| |
| 2 | Dea Brief hau i aufgmacht,
's Herz hot mr im Leib glacht,
|:no bin i glei gange
bei stockfinstrer Nacht.:|
|
| 3 | Ond wie i be komme,
vor's Schätzele Haus,
|:ond wie muß i's etz mache,
daß i neikomm zu Tür?:| |
| 4 | Zieg aus dein Schuh
ond stells nei en des Eck
|:ond herztauseg liebs Schätzele
leag rei in mei Bett.:| |
| 5 | Jetzt hamm m'r de Buebe
mei Loiter versteckt,
|:ond se hant m'r de Baur
vom Schlaf auferweckt.:| |
| 6 | Dr Bauer isch komme,
was hot'r no gsait,
|:ond du Lump ond du Fetz
ond was tuest bei'r Magd.:| |
| | 7 | Du närrischer Bauer,
sei no au no gescheit
|:ond i lieg halt zu de Mädle,
wie du zu deim Weib.:| |
| 8 | Dr Bauer braust auf
ond schlägt mir ois ufs Maul
|:ond zum Bett bin i raus,
ond zum Kreuzstöckle naus.:| |
| 9 | Mei Schatz schreit mr noch
ond halli ond hallo
|:ond brauchst net so arg sprenge,
laß 's Kreuzstöckle do.:| |
| 10 | Zum Kreuzstöckle bin i nei
ond zum Kreuzstöckle bin i naus
|:ond 's Kreuzstöckle am Krage
ond Schläg uf em Arsch.:| |
| 11 | So isch m'r 's halt gange
uf meiner Kareß
|:ond meiner Lebtag
gang i nemme uf so a Kareß.:| |
|