| 1 | Drei Manna ond drei Dubackspfeifa,
des geit a Luft, ma koa se greifa.
Se hockat do mit raute Kepf
ond gaiglet om' paar Hosaknepf. |
| 2 | Se hebet oa ond geant ond mischet
ond gucket, dass se d'Trempf verdwischet.
Se streichlet d'Schnauzbärt, machet Sprich
ond streitet sich om jeden Stich. |
| 3 | Dr Oa sait: Sell wär nomol schener,
ond fuchtlet mit am Schippa-Zehner,
ond wia ner uf da Disch neidrischt,
nau guat, dass der von Eiche ischt. |
| | 4 | Dr Ander sait: Nau gschtät, nau warta,
andre Leit hend au no Karta.
Bass nau mol uf, dir stopf e d'Gosch,
jetzt meld e Vierzge, so do hosch! |
| 5 | Dr Dritt sait: No koa lange Predigt,
em blaua Affa en Venedig
do spielt ma herzhaft, aber rauh,
des stich i mit der Schella-Sau. |
| 6 | Ond so goht's fort, se schreiat, händlet
ond bscheißat, wenn's koar sieht, ond schwendlet.
Ond saufat griebig dronternei
am Adlerwirt sein Moscht fir Wei. |
|