| 1 | "Du" isch gar a herzigs Wörtle
wia dr Liab koi anders frommt,
bsonders amma trauta Örtle,
wenn's so reacht von Herza kommt.
Du ond Du gilt allerweaga
do wo d'Liab ihr Wonder duat
ond a ganzer Gottesseaga
leit em "Du i ben der guat". |
| 2 | Guck, vorbei send älle Sorga
seit dei Bild do drenna wohnt,
denn du bischt mei' Nacht ond Morga,
bischt mei' Dag, mei' Sonn' ond Mond.
Hoscht da Hemmel enn de Auga
ond de schenschte Schtern drzua,
däätscht, schätz' wohl, zom Engel tauga,
wärscht au du dazu. |
| | 3 | "Do ond Du" mit dir auf Erda,
Schatz, wia ben i doch so froh,
schöa mag's sei' a Engel z'werda,
aber liaber isch mers so!
Denn daß jetzt mei' Herz ond Leaba
so voll Freud und Glück ond Ruah,
dees, herzliabschter Schatz, kommt eaba
von deam oina nette Bua. |
|