| 1 | In der Lacha batschet Krota,
d'Mucka grabblet an der Wand,
Tettnang, du bisch's schönste Städtle,
weit und broit im Schwobaland. |
| 2 | Schtugert, Ulm und sonsch so G'hefter,
hont mei Herz no nia verlockt,
s'ischt und bleibt halt's allerbeschte,
wenn der Mensch in Tettnang hockt. |
| 3 | Andre möget d'Welt bereise,
i für mi hon oft scho denkt,
mir dät's sicher nina gfalla,
wo s'it ret noch Hopfa stenckt. |
| 4 | Ganget mir mit Asphaltpflaster,
mit Zement und so Zuigs weg,
nix got über unsere schäne,
dicke woiche Stroßedreck. |
| 5 | An de Gelder spannt's e bizle,
aber des isch bloß für jetzt,
weisle hont mir scho vor Zeite,
von der Kirch de Turm versetzt. |
| | 6 | Überhaupt hont mir für Schulde,
stets a einfach's Mittel ket,
aus de neue macht ma alte,
und de alte zahlt me net. |
| 7 | Tugenhaftigkeit und Ordnung,
sind bei uns in voller Pracht,
unsere Polizeisoldate,
hütet uns bei Tag und Nacht. |
| 8 | In der Kunscht, Musik und Bildung,
Herr, do sind mer weit vorn,
gucket no im Schloss do drunte,
unsern Bacchussaal mol a. |
| 9 | Unser großer Landsma Schiller,
hot's mit Marbach it verwischt,
den wird's manchmol elend greit ho,
dass er it vo Tettnang ischt. |
| 10 | Deshalb freut mi's dunterschlächtig,
dass i selber hiesig bi,
z'Tettnang leb i, z'Tettnang sterb i,
z'Tettnang, do isch wunderschö. |
|