| 1 | Ond i be von Ennabeura
vom ussersta Haus,
do hanget a Säckle
voll Knollamil(ch) raus. |
| 2 | Ond i be von Ennabeura
vom ussersta Haus,
do futtret ma(n) Haber,
drom schlag i so naus. |
| 3 | Ond dr Eckstoffel hot da Fuaß brocha
uf am nigelnagelnuia Weag;
ond dr Amtsrichter hot a Goiß gstohla,
(i) möcht no wissa, was er mit ra tät. |
| 4 | Ond a Wickabuschl ond a Heubuschl
ond a alts Weib zum a Gwehr,
wenn se a klei(n)s bissle schneller gsprunga wär,
wär se komma zu de Schwoleschör. |
| 5 | Ond a gscheckets Paar Ochsa
ond a schwarzbrauna Kuah,
dees geit mr mei Vater,
wenn i heirata tua. |
| | 6 | Jetz hau-n-i mein Goißbock
ufs Dach aufetau,
dass jederma(nn) woiß,
dass i au a Vieh hau. |
| 7 | Ond a alts Weib zum a Rei(b)scheit
ond a Gigaboga zur a Bassgeig
ond a Mil(ch)supp uf'ra Heugabl
hau-n-i au no nie ghet. |
| 8 | I be vo do hoba
mo ma(n) Eibir(n)a baut,
drum ben i so g'rata
wie's Eibir(n)akraut. |
| 9 | Ond i be von Ennabeura,
g'hair em Zei(n)sle Jachoo,
ond i wer(d) me de(r)fa au no
a bissle lustig machoo. |
| 10 | Die Geislinger Büabla
hant Strauhhütla auf,
stoht oi(n)tause(n)d ächthondert
ond Lausbüable drauf. |
|